So‘nggi kunlarda mamlakatimizda, xususan Farg‘ona viloyatida atmosfera havosida mayda dispersli zarrachalarning ko‘payishi kuzatilmoqda.

Shu munosabat bilan So‘x tumani hokimligi tomonidan hududlarda chang miqdorini kamaytirishga qaratilgan amaliy ishlar olib borilmoqda. Tuman hokimining qurilish, kommunikatsiyalar, kommunal xo‘jaligi, ekologiya va ko‘kalamzorlashtirish masalalari bo‘yicha o‘rinbosari Sodiqjon Murzoev ma’lumotiga ko‘ra, ushbu yo‘nalishda tizimli ishlar amalga oshirilmoqda.

Ayni paytda:
• ko‘cha va yo‘llar namlanmoqda;
• yashil hududlar qo‘shimcha sug‘orilmoqda;
• jamoat joylari nam holda tozalanmoqda.

Ushbu ishlar bo‘yicha maxsus reja-jadval ishlab chiqilgan va muntazam amalga oshirib borilmoqda.

Ekologik barqarorlikni ta’minlash hamda aholi salomatligini himoya qilish maqsadida chora-tadbirlar izchil davom ettiriladi.

So‘x tumani hokimligi Axborot xizmati