Ayni kunda Respublikamizning barcha hududlarida fuqarolarni o'zini o'zi boshqarish organlarida muhim siyosiy jarayon bo'lib o'tmoqda. So'x tumanida ham qisqa tanaffusdan so'ng ushbu siyosiy jarayon o'zining mantiqiy davomini topib, saylovlar o'tkazilmagan mahallalarda ushbu siyosiy jarayon bo'lib o'tmoqda.

4-sektor hududidagi Chumoqcha mahalla fuqarolar yig'inida ham mahalla raisi saylovi bo'lib o'tdi. Mazkur siyosiy jarayon mahallaning 8-sonli umumiy o'rta ta'lim maktabida bo'lib o'tdi.

Bo'lib o'tgan saylovlarda faollik ko'rsatgan mahalla fuqarolari munosib nomzodga o'z ovozlarini berishdi. O'tkazilgan saylov natijalariga ko'ra, nomzod Obidjon Qaroyev saylovchilarning 55 foiz ovozini qo'lga qiritib, Chumoqcha mahalla fuqarolar yig'ini raisi etib saylandi.

So'x tumani hokimligi Axborot xizmati