Soliq va boshqa majburiy to'lov qarzdorligining oshib ketishi davlat byudjetiga hamda xo'jalik yurituvchi sub'ektlar moliyaviy faoliyatiga salbiy ta'sir etadi.

Xususan, Farg'ona viloyati soliq boshqarmasining soliq majburiyatiga ega shaxsning mol-mulki hisobidan soliq qarzini undirish bo'yicha qaroriga asosan "SO'X DON" MChJdan jami 448 mln. so'm soliq qarzi undirish bo'yicha ijro xujjatlari byuroning So'x tuman bo'limi ish yurituviga kelib tushgan.

Mazkur ijro hujjati bo'yicha qarzdorning nisbatan ijro ishi qo'zg'atilib, tomonlarga nusxalari yuborilgan.

Davlat ijrochilari tomonidan qarzdorning hisob raqamlariga band solinib, barcha mol-mulklariga taqiq o'rnatilgan.

Olib borilgan majburiy ijro harakatlari davomida MChJga tegishli ISUZU rusumli avtotransport xatlanib, auktsion savdolariga chiqarilmoqda.

Muzaffar Nurmatov - MIB tuman bo'limi boshlig'i