Navobod mahallasidagi 22-sonli umumiy o'rta ta'lim maktabida tuman hokimi Sayidbahrom Sayidmusayevning maktab o'quvchilari bilan uchrashuvi bo'lib o'tdi. Mazkur uchrashuvda maktab pedgogik jamoasi, o'quvchilar ishtirok etishdi.

Tadbir avvalida tuman hokimi davlatimiz rahbari tomonidan ta'lim sohasiga berilayotgan e'tibor, o'quvchi yoshlar bilimini oshirishga oid amalga tatbiq etilayotgan ishlar, tashkil etilayotgan tadbirlar va turli tanlovlar haqida gapirib, mazkur maktab o'quvchilari ham o'tkazilayotgan tadbir va tanlovlarda faol ishtirok etayotganliklarini alohida ta'kidladi.

Tadbir jarayonida bugun sport sohasida yangi cho'qqilarni zabt etib, maktab va tuman obro'sini oshirishda harakat qilayotgan o'quvchilar – Shohnura va Nuriddin Nosirjonovlarga tuman hokimining pul mukofotlari taqdim etildi. Bu o'quvchilar maktabning 7-sinfida tahsil olishadi va stol tennisi turi bo'yicha mahoratga ega bo'lgan yosh sportchilardir.

So'x tumani hokimligi Axborot xizmati