— “Maktabimizning har bir xodimi bugungi kunda ish faoliyatini boshlab, barcha harakatini maktabni yangi o'quv yiliga tayyor etishga yo'naltirgan”, — deydi 16-sonli umumiy o'rta ta'lim maktabi direktori Maqsudjon To'ychiboyev.

Darhaqiqat, o'rganish jarayonida maktabning barcha pedagoglari o'z ish o'rinlarida faol mehnat qilayotganiga guvoh bo'ldik. Ta'lim sohasiga berilayotgan e'tiborni maktab ahli har qadamda his etadi va bu ishonchga loyiq bo'lish uchun bor kuch-g'ayratlarini safarbar etmoqda.

Ushbu ta'lim dargohi bevosita Farg'ona viloyati hokimi Xayrullo Bozorov tashabbusi bilan kapital ta'mirdan chiqarildi. Bu esa o'quvchilar uchun zamonaviy, qulay va ilg'or ta'lim muhitini yaratdi.

Hozirda maktabda tayyorgarlik ishlari bilan birga turli to'garaklar faoliyati ham yo'lga qo'yilgan. Pedagogik jamoa yangi o'quv yili rejalari yuzasidan fikr almashib, muhim vazifalarni belgilab oldi.

So'x tumani hokimligi Axborot xizmati