Savol: Maktabning raxbar xodimlari dars olsa, o'rindoshlik asosida biriktiriladimi yoki soatbay?

Javob: Maktab rahbar xodimlari, ya'ni direktor va uning o'rinbosarlari asosiy lavozimi bilan bir vaqtda haftasiga 10 soatgacha o'qituvchi vazifasini ham bajarishi mumkin. Bu holatda ularning o'tgan dars soatlari uchun soatbay haq to'lanadi. Demak, bu qo'shimcha ish o'rindoshlik asosida emas, balki qo'shimcha vazifa sifatida soatbay to'lov bilan amalga oshiriladi.

Shu bilan birga rahbar xodimlarga dars berish imkoniyati faqat maktabda mutaxassis o‘qituvchilar yetishmagan taqdirda beriladi. Agar boshqa o'qituvchilar mavjud bo'lib, ular to'liq dars soatlari bilan ta'minlanmagan bo'lsa, rahbar xodimga qo'shimcha dars berilishiga yo'l qo'yilmaydi. Vakant soatlar uchun mutaxassis topilgan taqdirda rahbar xodim bu soatlarni unga topshirishi shart.

Asos: Umumta'lim muassasalarida sinflarni komplektlash hamda tarifikatsiya ro'yxatlarini shakllantirish tartibi to'g'risida NIZOM

O'ktamjon Ergashev - So'x tumani adliya bo'limi bosh maslahatchisi