Yoshlarni har tomonlama qo'llab-quvvatlash, ularni vatanparvarlik va mas'uliyat ruhida tarbiyalash maqsadida So'x tumanida bir qator tashkilot va muassasalar tomonidan yoshlar otaliqqa olingan.

Jumladan, tuman Favqulodda vaziyatlar bo'limiga ham bir guruh yoshlar biriktirilgan bo'lib, ularning hayotida ijobiy o'zgarishlar kuzatilmoqda. Mazkur tashabbus doirasida yoshlar bilan samimiy suxbat o'tkazilib, ularning qiziqish va intilishlariga alohida e'tibor qaratildi.

Uchrashuv davomida Favqulodda vaziyatlar xizmatida foydalaniladigan maxsus texnika va asbob-uskunalarning imkoniyatlari yoshlarga namoyish etildi. Shu orqali ularning sohadagi bilim va tushunchalari yanada boyidi.

Tadbir doirasida yoshlarning bo'sh vaqtlarini mazmunli o'tkazish, ularni kasbga yo'naltirish hamda vatanparvarlik ruhida tarbiyalash masalalari yuzasidan ham qator amaliy ishlar belgilandi.

So'x tumani hokimligi Axborot xizmati