So'x tumani maktabgacha va maktab ta'limi bo'limi tomonidan umumiy o'rta ta'lim muassasalarida ma'naviy-ma'rifiy ishlar samaradorligini oshirish maqsadida navbatdagi o'quv-seminar tashkil etildi. Tadbir tumandagi 10-umumiy o'rta ta'lim maktabida direktor o'rinbosarlari ishtirokida o'tkazildi.

O'quv-seminar davomida bo'limning ma'naviyat va ma'rifat bo'linmasi rahbari Gulshan Ibragimov so'zga chiqib, maktabgacha va maktab ta'limi vazirligi tomonidan 26–27 avgust kunlari o'tkazilgan “Maktabgacha va maktab ta'limi tizimida tarbiyaviy ishlar samaradorligini oshirish va istiqboldagi rejalar” mavzusidagi o'quv-seminarda berilgan tavsiyalar haqida batafsil ma'lumot berdi.

Shuningdek, tadbirda tuman ma'naviyat va ma'rifat bo'limi rahbari Mirzoali To'raboyev ham ishtirok etib, mavzuga oid atroflicha tushuntirishlar berdi.

Seminar jarayonida ishtirokchilar o'zlarini qiziqtirgan savollarga javob oldilar va o'zaro tajriba almashdilar.

So'x tumani hokimligi Axborot xizmati