Tul mahallasida joylashgan 19-sonli umumiy o'rta ta'lim maktabi jamoasi uchun bu yil haqiqiy taraqqiyot va yangilanish yili bo'ldi. Chunki o'tgan o'quv yili davomida maktabda qo'shimcha o'quv binosi qurilib, foydalanishga topshirildi.

Bugungi kunda esa pedagoglar jamoasi yangi 2025–2026 o'quv yilini yuqori saviyada kutib olish maqsadida tayyorgarlik ishlarini qizg'in olib borishmoqda. Chiroyli qilib ta'mirlangan koridorlar, zamonaviy jihozlangan sinfxonalar va o'quv muhiti — barchasi o'quvchilar uchun qulay shart-sharoit yaratishga xizmat qilmoqda.

O'rganish jarayonida elektr ta'minotidagi ayrim texnik nosozliklar ham aniqlanib, ularni qisqa muddatda bartaraf etish bo'yicha mas'ullarga topshiriq berildi. Shu bilan birga, maktab mutasaddilari va pedagogik jamoa bilan yangi o'quv yiliga tayyorgarlik masalalari atroflicha tahlil qilindi.

So'x tumani hokimligi Axborot xizmati