Tul mahallasida joylashgan 24-sonli umumiy o'rta ta'lim maktabi pedagogik jamoasi ham bir yoqadan bosh chiqarib, 2025–2026 o'quv yiliga qizg'in tayyorgarlik ko'rmoqda.

Maktab hovlisi, sport zali, sinfxonalar va alohida kabinetlar ta'miri talab darajasida bajarilgani ishchi guruh tomonidan o'rganish jarayonida ma'lum bo'ldi.

Ishchi guruh vakillari maktab pedagoglari bilan suhbatlashib, mavjud muammolarni ham o'rgandi. Imkoniyat doirasida ishlar namuna tariqasida tashkil etilgani qayd etildi.

Maktab direktori Avazjon Olimov o'quvchilar uchun qo'shimcha sinfxona zarurligini hisobga olib, o'z tashabbusi bilan mo''jazgina alohida kabinet tashkil etgani alohida e'tirof etildi.

Aniqlangan kamchiliklarni bartaraf etish bo'yicha kelishuvga erishildi va ular tez orada hal etilishi belgilandi.

So'x tumani hokimligi Axborot xizmati