So'x tumanida mavjud ichki yo'llarni ta'mirlash va aholi uchun qulay infratuzilmani yaratish maqsadida keng ko'lamli ishlar olib borilmoqda. Ayni paytda bunday ishlar G'aznov mahallasida ham amalga oshirilmoqda.

Mahalla fuqarolar yig'ini raisi Mirzoamin Abbosovning ta'kidlashicha, mahalla aholisi mazkur xayrli ishlardan minnatdorlik bilan mamnun bo'lmoqda. Chunki amalga oshirilayotgan har bir ish mahalla infratuzilmasini yaxshilashga xizmat qilmoqda.

Hozirda “G'aznaviy” ko'chasida asfalьtlash ishlari qizg'in davom etmoqda. Ushbu ishlarni tuman Yo'llardan foydalanish davlat muassasasi xodimlari amalga oshirmoqda. Ko'chaning umumiy uzunligi 350 metr bo'lib, yotqizilayotgan asfalьt qoplamasining eni 6 metrni tashkil etmoqda. Bundan tashqari, ishlar jamoatchilik nazorati ostida shaffof va samarali tarzda olib borilmoqda.

So'x tumani hokimligi Axborot xizmati