Yoshlarimiz kelajagimiz bunyodkori! Qo‘qon shahar hokimi yoshlar bilan muloqot qildi.

Prezident Administratsiyasi huzuridagi Axborot va ommaviy kommunikatsiyalar agentligi Farg‘ona viloyati boshqarmasi va Qo‘qon shahar hokimligi qo‘shma rejasi asosida o‘tkazilgan ochiq muloqotda ommaviy axborot vositlari, bloger va inflyuenserlar ham ishtirok etdilar.

Qo‘qon davlat universiteti mutasaddilari, ta’lim, mehnat bandligi idorasi mas’ullari, yoshlar yetakchilari va malakali kadrlarga ehtiyoji bor tadbirkorlik subyektlari ishtirokida bo‘lib o‘tgan uchrashuv chog‘ida Marufjon Usmonov mamlakatimizda davlatimiz rahbarining tashabbuslari bilan yoshlarni har tomonlama qo‘llab-quvvatlash va iqtidorlarini namoyon eitsh uchun yaratilgan keng imkoniyatlar xususida ma’lumot berdi.

"Qo‘qon shahri davlat boshqaruvida yoshlar fikrini inobatga oladigan shahar unvoniga sazovor bo‘lgan, biz albatta yoshlarimiz uchun har qanday shart-sharoitlarni yaratib berishga tayyormiz" dedi shu jumladan Marufjon Usmonov.

Ochiq muloqot chog‘ida Qo‘qon shahar hokimi yoshlarning ishga joylashish, ta’lim sohasi, ijtimoiy masalalarga oid taklif va murojaatlarini ko‘rib chiqib, mutasaddilarga vazifalar belgilab berdi.