Farg‘ona shahar hokimi ishtirokida tadbirkorlik faoliyatini boshlash istagidagi va ishsiz yoshlar bilan ochiq muloqot tarzidagi qabul o‘tkazildi. Uchrashuvda 100 ga yaqin yoshlar o‘z murojaatlari bilan qatnashdi.

Murojaatlarda asosan imtiyozli kredit ajratish, tadbirkorlik uchun yer maydoni taqdim etish va ishga joylashish masalalari ko‘tarildi. Ba’zi masalalarga shu yerning o‘zida ijobiy yechim topildi, qolgan murojaatlar esa tegishli tashkilotlar nazoratiga olinib, qonunchilik doirasida ko‘rib chiqilishi belgilandi.