Yurtimizdagi turli vazirliklar, nufuzli oliygohlar hamda O‘zbekiston Respublikasi Prezidenti huzuridagi Qonunchilik va Huquqiy siyosat institutida mas’ul lavozimlarda ishlagan, hozirda esa Qurilish vazirligida huquqshunos sifatida faoliyat olib borayotgan so‘xlik Mirzokarimov Sardorbek Sadiralizoda AQShda bo‘lib o‘tgan xalqaro huquqshunoslar seminarida qatnashib, maxsus sertifikatni qo‘lga kiritdi.

U AQShning oltita shtatidagi tegishli tashkilotlarda tajriba orttirdi. So‘x tumanining Umbara qishlog‘ida tug‘ilgan Sardorbek bugun 7 ta tilda bemalol so‘zlasha oladi. U 3 ta oliygohni bitirgan.

So‘xlik yoshlarning ana shunday yuksak muvaffaqiyatlarga erishayotgani, albatta, quvonarli hol. Sardorbek kabi yoshlar – tumanimiz faxri hisoblanadi.

So‘x tumani hokimligi Axborot xizmati