Bugun tuman hokimligi majlislar zalida tuman hokimi Sayidbahrom Sayidmusaev rahbarligida umumiy o‘rta ta’lim maktablari direktorlarining ishtirokida ochiq muloqot bo‘lib o‘tdi.

Muloqotda ta’lim muassasalarida olib borilayotgan ishlar tahlil qilindi. Shuningdek, Prezident Shavkat Mirziyoyev rahbarligida o‘tkazilgan yig‘ilishda ta’lim sohasiga doir belgilab berilgan muhim vazifalar va topshiriqlarni so‘zsiz bajarish har bir rahbarning mas’uliyati ekani qayd etildi.

Yig‘ilishda topshiriqlarning natijadorligi qat’iy nazoratga olinishi ta’kidlandi. Shu bilan birga, ta’lim sifatini oshirish yuzasidan taklif va tavsiyalar o‘rtaga tashlandi hamda tuman hokimining o‘rinbosari Ilhom Abdulmajidov va mutasaddilarga aniq vazifalar yuklatildi.

So‘x tumani hokimligi Axborot xizmati