ТАБИИЙ ОФАТ ОҚИБАТЛАРИНИ ОЛДИНИ ОЛИШГА ҚАРАТИЛГАН ЧОРАЛАР КЎРИЛМОҚДА
2022-10-19 16:36:49 59
Сўх туманининг жуғрофик жойлашуви ва тоғли ҳудудлиги бу ерда турли табиий офатлар юзага келишига сабаб бўлади. Олдинги йиллар юзага келган табиий офат, сув тошқинлари бунга яққол мисол бўла олади. Биноан, мазкур фавқулодда ҳолатларга ҳар доим тайр ва шай бўлиш лозим.
Иккин кундан бери ёғаётган ёмғир тоғолди ҳудуд аҳолисини огоҳликка чорлаши ҳам табиий ҳол. Бугун Малбут қишлоғи тоғолди ҳудудларида ёғингарчилик меъёрдан ортиқ бўлганлиги сабабли Марказ-Девайрон ҳудудида кўчкини юзага келтирган.
Туман ҳокимлигида ташкил этилган тезкор штаб аъзолари дарҳол воқеа жойига етиб бордилар ва юзага келадиган хавфни олдини олиш учун ҳаракат қилишаётир. Кўчки юзага келган ҳудудга махсус техника сафарбар этилган.
Туман ҳокими ўринбосари Содиқжон Мурзоевнинг сўзларига кўра, табиий офат оқибатини бартараф этиш учун барча куч ва воситалар сафарбар этилган. Туман фавқулодда вазиятлар бўлими бошлиғи Жалолиддин Жалоловнинг маълумотига кўра, юзага келган кўчки инсон ҳаётига хавф солмайди ва асосан унинг оқибатини бартараф этишга қаратилган ишлар олиб борилмоқда ва транспорт воситалари ҳаракатига ҳам қулай шароит яратилган.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
