Bugun O'zbekiston Respublikasi Prezidentining So'x tumani Xalq qabulxonasida tuman hokimi o'rinbosarlari ishtirokida fuqarolar murojaatlari tinglandi.

Qabulda tuman hokimining birinchi o'rinbosari Ilhomjon Tojiboyev, hokim o'rinbosarlari Sodiqjon Murzoyev va Adhamjon Safarovlar ishtirok etdilar.

Murojaatlar asosan uy-joyni ta'mirlashga ko'maklashish, ichimlik va sug'orish suvi bilan ta'minlash, oliy ta'lim muassasalariga kirishda amaliy yordam berish, moddiy va tibbiy yordam ko'rsatish masalalariga oid bo'ldi.

Barcha murojaatlar belgilangan tartibda ro'yxatga olindi. Yechimi topilgan masalalar joyida hal etildi, ayrim murojaatlar esa huquqiy maslahat va tushunchalar berish orqali qoniqtirildi. Muddat talab etuvchi murojaatlar tegishli mutasaddilarga biriktirilib, manzilli o'rganish uchun yo'naltirildi va qat'iy nazoratga olindi.

So'x tumani hokimligi Axborot xizmati