Farg‘ona viloyati statistika boshqarmasining Aholi turmush darajasi va ijtimoiy soha statistikasi bo‘limi mutaxassisi U.Turgunova tomonidan Farg‘ona tumanidagi «Dehqonobod» mahalla fuqarolar yig‘inida istiqomat qiluvchi Sheralievlar xonadonida navbatdagi uy xo‘jaliklari kuzatuvi o‘tkazildi.

So‘rovnoma davomida aholining turmush darajasini baholash, mavjud ijtimoiy-iqtisodiy holatni chuqur o‘rganish va kelgusida mamlakat aholisining farovonligini oshirishga qaratilgan samarali chora-tadbirlarni ishlab chiqish maqsadida zarur statistik ma‘lumotlar yig‘ildi.

Mutaxassis kuzatuv jarayonida fuqarolarga ushbu tadbirning mohiyati, ya‘ni ijtimoiy-iqtisodiy jarayonlarning odamlar hayotiga qanday ta‘sir ko‘rsatishi va bu haqdagi ma‘lumotlar asosida davlat siyosati shakllantirilishini tushuntirdi. Olingan ma‘lumotlar zamonaviy planshet qurilmasi orqali real vaqt rejimida maxsus statistik bazaga kiritildi.