Ehtiyojmand fuqarolar, kam ta'minlangan, ko'p bolali oilalar holidan xabar olish kabi ezgu amallar, bayram va tarixiy kunlarda ularni tabriklash yaxshi an'anaga aylanib qolgan. Berilgan mehr-oqibat bunday insonlar ko'nglida hayotga bo'lgan shavqni yanada oshiradi.

So'x tuman avtomobil yo'llar bo'limi tomonidan Qurbon hayiti munosabati bilan yolg'iz va nogironligi bo'lgan, ehtiyojmand oilalar va mazkur korxona ishchi-xodimlarining holidan xabar olinib, ularga birlamchi oziq-ovqat mahsulotlari bo'lim mutasaddilari va xodimlari ishtirokida manzilli yetkazib berildi.

- Bunday xayrli amallarni muntazam davom ettiramiz va berilgan bir lahzali mehr bunday fuqarolarni yanada quvontiradi. Aslida mehr ulashish, odamlarga mehribonlik qilish odamiylikning eng oliy fazilatidandir, - deydi korxona rahbari Zafarjon Mirzoyev.

So'x tumani hokimligi Axborot xizmati