Chegara qo'shinlarining Sarikanda mahallasida joylashgan 9208-sonli harbiy qismida Xotira va qadrlash kuni munosabati bilan tantanali tadbir bo'lib o'tdi. Tadbirda tuman hokimi va boshqa mutasaddi rahbarlar ishtirok etishdi.

Tadbir avvalida davlatimiz madhiyasi yangragandan so'ng tuman hokimi boshchiligida mehmonlar guruhi harbiy qismda barpo etilgan Xotira majmuasi poyiga gulchanbar qo'yishdi. Vatan ozodligi yo'lida jonfidolik qilgan yurt o'g'lonlari xotirasi yodga olindi.

Tadbirning rasmiy qismida barcha askar va zobitlarni tuman hokimi Sayidbahrom Sayidmusayev tabrikladi va xalqimizning Ikkinchi jahon urushi yillarida buyuk G'alabaga qo'shgan hissasi haqida gapirdi. So'x tumanida yashab, jonini Vatan obodligi yo'lida fido qilgan o'g'lonlar nomi ham faxr bilan tilga olindi.

So'x tumani hokimligi Axborot xizmati