Xotira va qadrlash, shuningdek, Ikkinchi jahon urushida qo'lga kiritilgan buyuk G'alabaga bag'ishlab tumanimizning barcha mahallalarida Xotira majmualari barpo etilgan. Sarikanda mahallasida bo'lib o'tgan tadbir avvalida mehmonlarga yoshlar va ma'naviyat targ'botchilari tomonidan “sharaf lentasi” taqish tadbiri bo'lib o'tdi.

Tuman hokimligi, tumanda joylashgan harbiy qismlar askar-zobitlari, huquq-tartibot organlari vakillari ishtirokida hududlarda tashkil etilgan Xotira majmo'alari poyiga gullar qo'yib, o'tganlar xotirasi yana bir karra yod etilib, ularga nisbatan cheksiz ehtirom ko'rsatildi. Sarikanda mahalla fuqarolar yig'inidagi Xotira majmuasi poyida ham o'tganlar xotirasi yana bir karra yodga olindi.

So'x tumani hokimligi Axborot xizmati