Aholini uzluksiz va sifatli elektr energiyasi bilan ta’minlash, mavjud tarmoqlardagi yuklamani kamaytirish hamda elektr tizimining barqarorligini oshirish maqsadida Quvasoy shahrida tizimli chora-tadbirlar amalga oshirilmoqda.

Xususan, Quvasoy shahrining Nayman mahalla fuqarolar yig‘ini hududida ma’nan eskirgan tayanch ustunlari o‘rniga yangi beton qoplamali tayanch ustunlari o‘rnatish ishlari jadal sur’atlarda olib borilmoqda.

Ushbu loyiha natijasida hududdagi mavjud elektr tarmoqlariga tushayotgan yuklama kamayib, transformator punktlarining faoliyati barqarorlashadi.

Eng asosiysi, ushbu yangilanishlar orqali mahalla aholisi uchun elektr ta’minoti sifati sezilarli darajada yaxshilanadi. Bu esa kundalik hayotda qulayliklar yaratish bilan birga, ijtimoiy va iqtisodiy faoliyatning barqaror rivojlanishiga ham xizmat qiladi.