TUMANIMIZDA MA'NAVIYAT FORUMI BO’LIB O’TMOQDA: BUGUN USHBU TADBIRGA START BERILDI
2024-04-26 16:04:12 372
Tumanimizda ma'naviyat forumi bo’lib o’tmoqda: bugun ushbu tadbirga start berildi
Bugun Respublika ma'naviyat va ma'rifat markazi Farg’ona viloyat bo’limi boshlig’i Masudjon Sulaymonov boshchiligidagi delegatsiya So’x tumaniga tashrif buyurdi. Tuman ma'naviyat va ma'rifat markazi bo’limi boshlig’i Gulshanjon Ibragimovning ma'lumotiga ko’ra, mazkur tadbir – ma'naviyat forumi doirasida tumanimizning ma'naviy-ma'rifiy hayotidagi amaliy ishlar o’rganiladi.
Delegatsiya tarikibida bo’lgan viloyatmizning tuman va shaharlari ma'naviyat va ma'rifat bo’limi boshliqlari dastavval Soybozor mavzesidagi ma'naviyat va ma'rifat markazida bo’ldilar. Ezgu niyatlar bilan barpo etilgan ma'naviyat bog’iga yangi manzarali daraxtlar ko’chatlari o’tqazildi.
Ma'naviyat va ma'rifat markazi tuman bo’limi binosida bo’lgan mehmonlar bu yerdagi sharoitlar bilan tanishdilar. Mazkur tadbir ta'rixiy sana – zabardaast shoir Muhammad Yusufning tavallud ayyomiga to’g’ri kelganligi bois, markaz binosida shoir xotirasi yana bir karra yodga olindi.
Tuman hokimi o’rinbosari Ilhomjon Abdumajidov boshchiligida mehmonlar 1-sonli umumiy o’rta ta'lim mktabida bo’ldilar va bu yerda o’quvchi talabalar bilan samimiy suhbat tashkil etildi. Bugun kunning ikkinchi yarmida tuman madaniyat markazida ma'naviyat forumining asosiy qismi bo’lib o’tadi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
