HUSHYOR MAHALLASIDA XOTIRA VA QADRLASH KUNI MUNOSABATI BILAN TADBIR O’TKAZILDI
2023-05-08 16:13:53 133
Hushyor mahallasida Xotira va qadrlash kuni munosabati bilan tadbir o’tkazildi
Hushyor mahalla fuqarolar yig’inida joylashgan 13-sonli umumiy o’rta ta'lim maktabida 9-may Xotira va qadrlash kungiga bag’ishlab bo’lib o’tgan tadbirda tuman hokimi va tuman sektorlari rahbarlari ishtirok etdilar. Mehmonlarni maktab o’quvchilari guldastalar bilan kutib olishdi.
Mazkur ta'lim dargohida bir umr faoliyat olib borib, maktab direktori vazifasigacha ko’tarilgan Teshaboy Odilov ikkinchi jahon urushida nom qozongan So’x farzandi sifatida bugungi avlodlarning qalbida mangu qoladi. Chunki Teshaboy Odilov Leningrad shahri mudofaasida jonbozlik ko’rsatib, “Leningrad shahri qahramoni” unvonini olgan.
Maktabda qahramon xotirasiga qo’yilgan byust poyiga gullar qo’yildi va Teshaboy Odilovning xotirasi uchun sukut saqlandi. Tantanali tadbirda so’z olgan tuman hokimi Vatan qahramonlarining nomi va shijoati har doim qablarda mangu qolishini alohida ta'kidladi.
Shuningdek, mahallada barpo etilgan xotira majmuasida ham bugungi dorilomon kunlar uchun jonbozlik ko’rsatgan xalq farzandalari nomi tilga olindi. Mahalla ahli va mahalla beshligiga front orti mehnatkashlar holidan xabar olish yuzasidan amaliy ishlar qilinishi ko’rsatmasi berildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
