1. Bosh sahifa
2. Yangiliklar

HECH KIM E'TIBORDAN CHETDA QOLGAN EMAS

×

Hech kim e'tibordan chetda qolgan emas

        Jismoniy imkoniyati cheklangan, xastalik yostig’iga mixlanib qolgan, nogironligi bor fuqarolarimiz har doim e'tiborda. Respublikamizda bunday insonlarni har tomonlama qo’llab-quvvatlash, ularga moddiy va ma'naviy kumak berish, manfaatlarini himoyalashga katta e'tibor qaratilgan.

        "Hech kim e'tibordan chetda qolgan emas" shiori ostida bugun tumanimizda "Xalqaro nogironlar kuni" ga bag’ishlab xayriya tadbirlari tashkil etildi. Tuman hokimligi, mahalla va oilani qo’llab-quvvatlash bo’limi, "Mahalla" xayriya jamoat fondi hamda tumanimizdagi saxovatli insonlar hamkorligida bir guruh nogironlar holidan xabar olindi, ularga bayram sovg’alari taqdim etildi.

        Bunday tashrif va e'tibordan mamnun bo’lgan imkoniyati cheklangan fuqarolar o’z minnatdorliklarini samimiy so’zlar bilan izhor etishdi. Jumladan, So’x mahalla fuqarolar yig’inida yashovchi 1-guruh nogironi Ikromjon Mamajonov, Kimyoxon Domulloyeva, Umiyaxon Homidova, Zarrina Kimsanova, Mulgon mahallasida yashovchi Manzura Abdulojonova va Rasuljon Dodoxonovlar berilgan e'tibordan mamnun ekanliklarini izhor etdilar.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram