JAVPAYA MASSIVIDA YERLARNI O’ZLASHTIRISH VA EKIN EKISHGA TAYYORLASH ISHLARI DAVOM ETMOQDA
2022-10-19 16:33:31 158
Qal'acha mahallasidagi Javpaya massivida qishloq xo’jaligida foydalanmaydigan yerlarni o’zlashtirish bo’yicha olib borilayotgan ishlar bugun ob-havo o’zgaganiga qaramasdan davom etmoqda. Respublika markazidan olib kelingan suv tejovchi texnologiyalarning butlovchi qismlarini o’zlashtirayotgan hududga yetkazish ishlari amalga oshirilmoqda.
Bugungi kungacha 230 gektar yer maydoni shudgorlanib, anor ekishga tayyorlanib qo’yildi. Membrana hovuzi qurilishi davom etmoqda.
Shuning barobarida, mazkur hududda issiqxona barpo etgan fuqarolar ham birinchi kuzgi hosilni terib olishga intilmoqdalar. Suratlarda ko’rayotganingiz Javpaya massivida yetishtirilgan kuzgi bodringlar. Qal'achalik tadbirkor D. Yunusov birinchi hosilni yig’ib-terib, allaqachon daromad olishga kirishgan.
Javpaya massiviga suv tortish ishlari ham jadallik bilan olib borilmoqda. Ayni kunda So’x daryosi sohilida qurilayotgan suv inshootida ham ishlar bir maromda bilan davom etyapti.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
