“AYOLLAR DAFTARI” DAGI XOTIN-QIZLARGA MINI-PECHLAR YETKAZIB BERILDI
2022-10-06 18:40:48 115
Ayollar, xotin-qizlarga berilayotgan e'tibor zamirida katta ma'no va mazmun mujassam. Zotan, xotin-qizlarga bo’lgan e'tibor davlat siyosti darajasiga ko’tarilgani bilan ham ahamiyatlidir. 15 – oktyabr “Xalqaro qishloq ayollar kuni” sifatida nishonlanishi ham ushbu buyuk zotga bo’lgan ehtirom va hurmat nishonasidir.
Aytganimizdek, tumanimizda ayollar bandligini ta'minlash, o’z-o’zini band qilishga qaratilgan ishlar va tashkil etilayotgan tadbirlar o’z samarasini bermoqda. Ushbu yo’nalishda mahalla fuqarolar yig’inlari va tijorat banklari hamkorligida amaliy ishlar qilinmoqda.
Tuman aktsiyadorlik tijorat “Agrobank” vakili Nizomjon Qutbiddinovning ma'lumotiga ko’ra, tashkil etilayotgan mazkur tadbirlar va ayollarga subsidiya asosida berilayotgan jihozlar ularga daromad manbai yaratish uchun xizmat qilayotir.
Tashkil etilgan navbatdagi aktsiyada 2-sektor hududidagi “Ayollar daftari”dagi xotin-qizlarga bepul O’zbekistonda ishlab chiqarilgan mini-pechlar yetkazib berildi. Qal'a mahallasidan 3 nafar, Hazrati Ali mahallasidan 2 nafar va 1 nafar Rovon mahallasida istiqomat qilayotgan “Ayollar daftari” dagi xotin-qizlarga mazkur zamonaviy dastgohlar manzilli yetkazib berildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
