1. Bosh sahifa
2. Yangiliklar

QAHRAMONLAR NOMI BARHAYOT

×

        So’x tumani Lenbur qishlog’idagi 18-umumta'lim maktabida Respublika Ma'naviyat va ma'rifat markazi viloyat bo’limi tomonidan "Qahramonlar nomi barhayot" mavzusida ma'naviy-ma'rifiy tadbir tashkil etildi. Unda sarhadlarimizni himoya qilishda jonini fido qilgan Xayriddin Xolboyev xotirasi yod etildi.

        Tadbirda uning ota-onasi, mahalla faollari, ichki ishlar xodimlari maktab jamoasi va o’quvchilar ishtirok etdilar.

        Katta serjant Xayriddin Xolboyev 2000 yili Surxondaryoning Sariosiyo va Uzun tumanlarida xalqaro terrorchilarga qarshi harbiy harakatlarda ishtirok etib, qahramonlarcha halok bo’lgan.

        U ta'lim olgan So’x tumanidagi 18-sonli umumta'lim maktabida uning byusti o’rnatilgan. Maktab ichida esa qahramon yigitga bag’ishlangan ixchamgina muzey tashkil qilingan.

        Ma'naviyat va ma'rifat markazi viloyat bo’limi rahbari Ma'sudjon Sulaymonov vatan himoyasi yo’lida jonini baxsh etgan mard o’g’lonlarning mustaqilligimizni mustahkamlashda xizmati katta ekanligini ta'kidladi. Tadbirda X. Xolboyevning mardligi, vatanparvarligi xususida so’z yuritildi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram