1. Bosh sahifa
2. Yangiliklar

XOTIN-QIZLAR FAOLLARI FA'OLIYATI TAHLIL ETILDI

×

        So’x tuman hokimligida tumanmizda fa'oliyat boshlagan xotin-qizlar faollarining olib borilayotgan ishlarni tahlil etishga qaratilgan tadbir bo’lib o’tdi. Ochiq muloqot tarzida bo’lib o’tgan mazkur tadbirda Farg’ona viloyati oila va xotin-qizlar boshqarmasi boshlig’i o’rinbosari Gulchehra Jo’rayeva, boshqarma vakillari, So’x tumani hokimi o’rinbosari, tuman oila va xotin-qizlar bo’limi boshlig’i Madinaxon Safarovalar ishtirok etdilar.

        Tadbir avvalida barcha fa'oliyat boshlagan xotin-qizlar faollarining o’tgan muddat ichida olib borgan ishlari tahlil etildi va barcha faollarning fa'oliyatiga tanqidiy nuqtai nazardan baho berildi. Samara va natijaga erishish uchun eng avvalo mas'uliyatni his etgan holda fa'oliyat olib borish lozimligi alohida qayd etildi.

        Ochiq muloqot davomida “Ayollar daftari” bo’yicha ehtiyojmand oilalarning individual dasturini shakllantirishi, xotin-qizlar platformasiga 7 ta yo’nalish bo’yicha muammolarni kirgizib borilayotgani, har bir mahalla fuqarolar yig’inlarida “Oqila ayollar” tizimini tashkil etish masalalari muhokama etildi. Shuningdek, “Oqila ayol” yetakchisini saylash va fa'oliyatini yo’lga qo’yish bo’yicha ham gapirildi.

        Ochiq-muloqot jarayonida har bir xotin-qizlar fa'oli bilan so’hbat qilindi. Ochiq muloqot samimiy so’hbat tarzida bo’lib o’tdi va xotin-qizlar faollari ham o’zlarini qiziqtirgan savollariga javoblar oldilar.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram