1. Bosh sahifa
2. Yangiliklar

NAVOBOD MAHALLASIDA QURILGAN YANGI UY-JOYLAR O’Z EGALARINI KUTMOQDA

×

     Chashma va Devayron mahalla fuqarolar yig’inlari hududida qurib, foydalanishga topshirilgan yangi ko’p qavatli uy-joylar bugun o’sha hudud ko’rkiga yangi chiroy qo’shmoqda desak, mubolag’a emas. Tumanimizda bunday ko’p qavatli uy-joylardan yana to’rttasi foydalanishga topshirish arafasida.

        O’Zbekiston Respublikasi Prezidentining 4798-sonli qarori asosida tumanimizning Navobod mahalla fuqarolar yig’ini hududiga 4 dona 5 qavatli 120 xonadonli uy qurilishi rejalashtirilgan bo’lib, ayni kunda ushbu uylarda oxirgi ishlar olib borilmoqda. Tuman hokimi o’rinbosari Sodiqjon Murzoyevning so’zlariga ko’ra, bugun ushbu xonadonlarga tabiiy gaz quvurlari tortish ishlari olib borilmoqda.

        - Barcha kommunikatsiya tarmoqlarini joyiga qo’yish ishlari yaqin kunlarda oxiriga yetkaziladi. Uylarni o’z egalariga topshirish sentyabr oyining oxirgi dekadasiga rejalashtirilgan, - deydi hokim o’rinbosari.

        Qurilgan barcha uy-joylar uchun davlatimiz xazinasidan 20 milliard 186 million so’m mablag’ yo’naltirilgan. Qurilish ishlari tumanimizning "Xushbaxti So’hrobzod" MChJ, "Arslon Ekspress" MChJ, "Soxtmonchii mohiri So’xzamin" MChJ va "Guzari omadi Lazina"MChJ tomonidan amalga oshirildi.

        Ma'lumot uchun: tuman buyicha 2021 yil hisobiga 24 ta 110 milliard so’mlik ijtimoiy soha obektlarda rekonstruktsiya qilish, mukammal ta'mirlash va yangi qurilish ishlari hamda 36 milliard so’mlik 7 ta 4-5 qavatli uy-joylar qurish ishlari olib borilmoqda.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram