MAKTABGA 500 DONA KITOB SOVG’A QILINDI
2022-08-20 16:43:15 144
Kitob bilimlar xazinasi, ma'naviyat asosidir. Zotan, eng yaxshi va maqbul sovg’a inson uchun kitobdir.
Jamiyatimizda kitobxonlikni targ’ib qilish va ayniqsa, bunga yoshlarni jalb etish eng asosiy masalalardan biridir. Shuning uchun, hududlarda kitobxonlikni targ’ib etishga yo’naltirilgan tadbirlar o’tkazilishi an'anaga aylanib qolgan.
Saribozorcha mahalla fuqarolar yig’ini raisi Valijon Ergashev va mahallaning yoshlar yetakchisi Muhib A'zamjonov tashabbuslari bilan mahalladagi 29-sonli umumiy o’rta ta'lim maktabiga 500 dona kitoblar taqdim etildi.
Asosan badiiy adabiyotlardan iborat kitoblar to’plamini maktab direktori Amirjon Temirov qabul qilib olib, tashabbuskorlarga maktab ma'muriyatinig minnatdorchiligini bildirdi.
- Aslida, sovg’aning eskisi yo yangisi bo’lmaydi, ayniqsa, kitobni. Ishonchim komilki, bizga taqdim etilgan kitoblardan maktabimiz o’quvchilari keng foydalanishadi. Tashabbuskorlarga rahmat, - deydi maktab direktori.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
