QAL'ACHA MAHALLASIDA HAR SOHADA ISHLAR QIZG’IN KECHMOQDA
2024-03-25 16:59:42 177
Qal'acha mahallasida har sohada ishlar qizg’in kechmoqda
Tumanimizning 1-sektori hududidagi Qal'acha mahalla fuqarolar yig’inida olib borilayotgan ishlarni o’rganish va amaliy ishlar jarayonini ko’zdan kechirish maqsadida tuman hokimi Sayidbahrom Sayidmusayev ayni damda ushbu mahallada mahalla mutasaddilari faoliyati bilan tanishmoqda. Mahallada ayni kunda hudud tozaligini ta'minlash va obodonlashtirish yo’nalishida amaliy ishlar qilinmoqda.
Mahalla raisi va mahalla yettiligi tashabbusi bilan Qal'acha mahallasining kirish qismiga yangi banner o’rnatilmoqda. Bu ishda mahalladagi saxovatpesha insonlar amaliy ko’mak ko’rsatishayotir.
Mahalla hududidagi ekin yer maydonlarida ham ishlar qizg’in kechmoqda. Ekin yer maydonlarini tayyorlash, ekin ekish ishlari ham tuman hokimi tomonidan o’rganilib, soha vakillari va mirishkorlar bilan mazkur mavzuga doir suhbat qilindi. Bobodehqonlar xirmoniga baraka tilab, duolar qilindi.
Mahallaning Javpaya mavzesida ham ayni damda ishlar jarayoni qizg’in kechmoqda. Tadbirkorlar tomonidan amalga oshirilayotgan ishlar tuman hokimi tomonidan bugun hokim yordamchilari ishtirokida o’rganildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
