USTOZLAR HOLIDAN XABAR OLINDI
2022-10-02 11:12:15 96
Haqiqatan ham, dunyodagi ming-minglab kasblar orasida eng buyuk kasb – o’qituvchilik kasbidir. Toki hayot bor ekan, ushbu kasb va shu mashaqqatli, biroq sharafli kasb egalari o’zining ma'no-mazmunini va olijanobligini, ahamiyati va hurmatini hech qachon yo’qotmaydi.
Xalqimizda ilm o’rganmoq igna bilan quduq qazishga qiyoslanadi. Biroq ilm o’rgatmoq zahmati undan-da mashaqqatli. Ustoz bu ishga butun borlig’ini, mehrini baxsh etadi. Darhaqiqat, minglab murg’ak qalblarga oqu-qorani tanitadigan, ezgulik yog’dusini baxsh etadigan, yoshlar qalbida ertangi kunga qat'iy ishonch uyg’otadigan, shogirdlari uchun hayotning achchiq-chuchuk sinovlarida doimo yordamga shay turadigan, qoqilsa - suyab, yiqilsa - turg’izadigan, yutuqlaridan boladek quvonadigan o’qituvchi va murabbiylar mehnatining o’lchovi, qiyosi yo’q.
Bugun So’x mahalla fuqarolar yig’ini xodimlari nafaqada bo’lgan ustozlarni yuqlab borishga, bugungi shodiyona bayramlari bilan tabriklashga astoyidil bel bog’lashdi. Mahalla ma'muriyati nomidan tashkil etilgan esdalik sovg’alar ustozlarga taqdim etildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
