САРИКАНДА МАҲАЛЛАСИНИНГ “ГУЛИРАЙҲОН”, “ЧОРДАРА”, АНОРБОҒ”, “АБДУРАУФ ФИТРАТ” НОМЛИ КЎЧАЛАРИ ТЎЛИҚ АСФАЛЬТЛАШТИРИЛАДИ
2023-03-27 08:03:42 83
Сариканда маҳалласининг “Гулирайҳон”, “Чордара”, Анорбоғ”, “Абдурауф Фитрат” номли кўчалари тўлиқ асфальтлаштирилади
Ҳудудлар инфратузилмасини ривожлантиришга қаратилган ободонлаштириш, қурилиш-таъмирлаш ишлари бугун Сўх туманида ҳам жадаллик билан олиб борилмоқда. Туманнинг барча маҳалла фуқаролар йиғинларида олиб борилаётган ишлар халқимизнинг хурсандчилиги ва миннатдорчилигига сабаб бўлаётир.
Сариканда маҳалла фуқаролар йиғинида бугун асфальтлаштириш ишлари бошлаб юборилди. Мазкур ободонлаштириш ишлари Президентимизнинг 408-сонли қарори асосида олиб борилмоқда.
- Қарорга асосан, маҳалламизнинг ички кўчаларида асфальтлаштириш ишлари олиб борилади. Жами узунлиги 8,6 километр ички йўлларга асфальт қопламаси ётқизилади, - дейди маҳалла раиси Баҳодиржон Сафоев.
Асфальтлаштириш ишлари маҳаллада аллақачон бошланган ишларнинг мантиқий давоми саналади. Давлатимиз бюджетидан мазкур маҳалланинг асфальтлаштирилишига 2 миллиард 852 миллион 600 минг сўм маблағ йўналтирилган.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
