“ЗАКОВАТ”ЧИЛАРНИНГ СЕКТОР БОСҚИЧИ ҒОЛИБИ АНИҚЛАНДИ
2022-10-22 18:30:20 72
Ҳудудларда “Беш ташаббус олимпиадаси” доирасида ўтказилаётган тадбирлар ва спорт мусобақалари туманимизнинг энг билимли ва иқтидорли ёшларни танлаб олиш ва саралаб олишда катта аҳамиятга эга тадбирга айланиб улгурди. Ушбу тадбирларда иштирок этиб, ғолибликни қўлга киритаётган ёшлар Республика босқичигача чиқиш имкониятига эгалар.
Бугун 1-секторнинг Ғазнов маҳалла фуқаролар йиғинида бўлиб ўтган тадбир энг билимли ёшларни жалб этди. Мазкур маҳаллада “Заковат” интеллектуал уйининг сектор босқичи бўлиб ўтди.
1-секторнинг ҳар бир маҳалласидан ташриф буюрган жамоалар ғолиб бўлиш учун ўзаро беллашдилар. Ёш иқтидорлар билим даражаси ҳакамлар ҳайати томонидан имтиҳондан ўтказилди.
Қизғин ва муросасиз кечган баҳсларда биринчи ўрин Соҳибкор, иккинчи ўрин Ғазнов ва 3-ўрин Қалъача маҳалла ёшларига насиб этди. Эндиликда сектор босқичидаги зафар қучган жамоалар туман босқичида рўпара келадилар.
Сўх тумани ҳокимлиги Ахборот хизмати
Бизни ижтимоий тармоқларда кузатинг
Facebook |
Telegram |
Telegram murojaat |
Youtube |
Instagram
