Ҳудудларда “Беш муҳим ташаббус" олимпиадаси
2022-04-23 13:45:59 152
Ҳудудларда “Беш муҳим ташаббус" олимпиадаси
Ўзбекистон Республикаси Президентининг 2022-йил 19-январдаги "Маҳаллада ёшлар билан ишлаш тизимини тубдан такомиллаштириш чора-тадбирлари тўғрисида"ги 92-сонли қарори ижросини таъминлаш мақсадида Сўх туманида ҳам арзирли ишлар амалга оширилмоқда.
Бунга маҳаллаларда "Беш муҳим ташаббус" олимпиадаси доирасида спортнинг шашка тури бўйича ўтказилаётган мусобақаларни киритишимиз мумкин. Айтиш лозимки, ушбу мусобақалар маҳалалларнинг ёшлар етакчилари томонидан таўкил этилиб, ўтказилаётир.
Айни кунда туманимизнинг учта ҳудудида - Гулистон, Қалъа ва Соҳибкор маҳалла фуқаролар йиғинида ушбу мусобақалар ўтказилганлиги ҳақида бизга хабар етказилди.
Маҳаллалар ёшлар етакчилари - Меҳриддин Мухторов, Илҳомжон Муллоев ва Субҳонали Зайлобовларнинг маълумотига кўра, шашка мусобақалари ёшлар иштирокида бевосита ҳудуд таълим муассасаларида ўтказилиб, мазкур мусобақаларда ёшларнинг фаол иштироки таъминланди.
Мусобақалар муросасиз, баҳсларга бой ва кўтаринки руҳда бўлиб ўтди.
Сўх тумани ҳокимлиги Ахборот хизмати
