1. Бош сахифа
2. Янгиликлар

ВАТАН ФАРЗАНДЛАРИ ХОТИРАСИГА ЧЕКСИЗ ЭҲТИРОМ КЎРСАТИЛДИ

×

Ватан фарзандлари хотирасига чексиз эҳтиром кўрсатилди

Хотира ва қадр. Инсон учун энг арзирли бўлган қадриятлардан. Байрамга бағишланган тадбирлар вилоятмизнинг сўлим гўшаси – Сух туманида ҳам уюшқоқлик билан бўлиб ўтмоқда.

Туман ҳокимлиги, туманда жойлашган ҳарбий қисмлар аскар-зобитлари, ҳуқуқ-тартибот органлари вакиллари иштирокида ҳудудларда ташкил этилган Хотира мажмўалари пойига гуллар қўйиб, ўтганлар хотираси яна бир карра ёд этилиб, уларга нисбатан чексиз эҳтиром кўрсатилди. Сариканда маҳалла фуқаролар йиғинидаги Хотира мажмуаси пойида ҳам ўтганлар хотираси яна бир карра ёдга олинди.

Шуни ҳам алоҳида айтиш лозимки, Сух туманидан ҳам минглаб юрт ўғлонлари буюк Ватанимиз иқтисодий салоҳиятини юксалишида, унинг равнақи ва тараққиёти учун фидоийлик кўрсатишган. Ҳакимжон Ғойибназаров озод ва обод Ватаннинг шундай мард ва жасур фарзандларидан эди.

Туман ҳокими Сайидбаҳром Сайидмусаев иштирокида Сариканда маҳаллла фуқаролар йиғинида Ҳакимжон Ғойибназаров хотирасига бағишлаб ташкил этилган мажмуа пойига гуллар қўйилиб, марҳумнинг ҳаёт йўли яна бир карра ёдга олинди ва унинг ҳақига дуолар қилинди. Тадбирда марҳумнинг оила аъзолари номидан берилган эътиборга миннатдорчилик изҳор этилди.

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram