Фарзанд муваффақиятидан сарфароз ОНА!
2022-04-15 16:47:55 185
Фарзанд муваффақиятидан сарфароз ОНА!
Туманимизда "Ёшлар овози" танловининг туман босқичи ҳам якунланди.
Мазкур танловда телеграм-бот орқали 2 300 нафар ёшлар рўйихатдан ўтиб, маҳаллалар кесимидаги танловда 492 нафар ёш истеъдодлар қатнашди. Туман босқичига 36 нафар ёш санъатсеварлар етиб келиб, 9 нафари вилоят босқичига йўлланма олдилар.
Танлов иштирокчилари орасида устоз-шогирдлар ҳам бор. Опера йўналиши бўйича 30-сонли болалар мусиқа ва санъат мактаби ўқитувчиси Бобоусуф Усуфов биринчи ўринни эгаллаган бўлса, шогирди Амирхон Азамжонов академик хонандалик бўйича фаъол иштирокчи деб тан олинди.
- Фарзандим муваффақиятидан хурсандман. Ҳаётидаги биринчи синовдан ўтди Амирхон. Ҳали олдинда катта муваффақиятлар кутяпти фарзандимни. Бу йўлда Амирхонимга фақат ва фақат омадлар тилайман, - дейди чексиз қувонч ила Дилафрўз Шерова.
Эслатиб ўтамиз, яқин кунларда туман ҳокими ташаббуси билан туман маданият марказида "ЁШЛАР ОВОЗИ" иштирокчиларининг гала-концерти ўтказилади.
Сўх тумани ҳокимлиги Ахборот хизмати
