Navobod mahallasi, Malbut qishlog‘ida barpo etilayotgan yangi bog‘ hududi kundan-kunga kengaymoqda. Ushbu ezgu tashabbusning boshida tuman hokimi Sayidbahrom Sayidmusaev turib, har doim ishlar jarayonini shaxsan nazorat qiladi.

Bugun bog‘ hududiga mahalliy o‘g‘itlar olib kelindi, yangi daraxtlar va o‘simliklar o‘tkazildi hamda maxsus suv tashuvchi texnikalar yordamida sug‘orildi. Bu ishlar nafaqat bog‘ni ko‘rkamlash, balki kelajak avlodlar uchun sog‘lom va yashil muhit yaratishga xizmat qiladi.

Yangi bog‘ mahalla ahli va obodonlashtirish boshqarmasi ishchi-xodimlarining birgalikdagi mehnati bilan yanada go‘zal va obod hududga aylanmoqda.

So‘x tumani hokimligi Axborot xizmati