Chashma mahallasida “Yashil makon” umummilliy loyihasi doirasida kamta’min oilalar xonadonlariga mevali daraxtlar ekildi. Bu sa’y-harakatlarda mahalla yettiligi, nuroniylar va faol aholi ishtirok etib, har bir xonadonning muhitini yashillashtirishga hissа qo‘shdilar.

Daraxt ekish nafaqat ko‘rkamlilik, balki kelajak avlodlar uchun sog‘lom va obod muhit yaratish demakdir. Bunday amaliy ishlar mahallada hamjihatlikni mustahkamlaydi, yosh avlodga tabiatga hurmat va muhabbatni o‘rgatadi.

Mahalla ahli bilan birgalikda amalga oshirilgan bu tashabbus mahallamizni yanada yashil va obod qiladi.

So‘x tumani hokimligi Axborot xizmati