O‘zbekiston Respublikasi maktabgacha va maktab ta’limi vazirligining 2025-yil 8-oktabrdagi 377-sonli buyrug‘i hamda maktabgacha va maktab ta’limi boshqarmasi boshlig‘ining 2025-yil 21-oktabrdagi 342-sonli buyrug‘ini ijro etish maqsadida So‘x tuman maktabgacha va maktab ta’limi bo‘limi boshlig‘ining 2025-yil 30-oktabrdagi 159-sonli buyrug‘iga asoslanib “Raqamli avlod qizlari” tanlovi o‘tkazildi.

21-sonli umumiy o‘rta ta’lim maktabida bo‘lib o‘tgan tadbirda platforma orqali ro‘yxatdan o‘tgan o‘quvchi qizlarning loyihalari hakamlar hay’ati tomonidan ko‘rib chiqildi va tahlil qilindi.

10-sonli maktabda esa g‘olib va sovrindorlarni taqdirlash marosimi bo‘lib o‘tdi. Tanlovda 16–20 yoshdagi o‘quvchi qizlar o‘rtasida 9 nafar va 20–30 yosh toifasida 1 nafar ishtirokchi g‘oliblikni qo‘lga kiritib, “Raqamli avlod qizlari” sertifikati hamda esdalik sovg‘alari bilan taqdirlandilar. Ular endilikda viloyat bosqichida So‘x tumanining faxrini himoya qiladilar.

Muxtorali Muxtorov – Tuman MMTBning AKTni joriy etish va ta’limni raqamlashtirish metodisti

So‘x tumani hokimligi Axborot xizmati