Farg‘ona tuman prokuraturasi tomonidan 2025-yil bahor mavsumida “Yashil makon” umummilliy loyihasi doirasida ekilgan daraxt ko‘chatlarining holati, ularning parvarishi hamda ekologik sohada olib borilayotgan ishlar chuqur o‘rganildi.

Tuman Ekologiya bo‘limi bilan hamkorlikda o‘tkazilgan o‘rganishlar davomida ekologik barqarorlikni ta‘minlash va aholi salomatligi uchun qulay muhit yaratish maqsadida amalga oshirilgan chora-tadbirlar ko‘zdan kechirildi.

Shuningdek, monitoring jarayonida aniqlangan kamchiliklar yuzasidan mas‘ul tashkilotlar zimmasiga aniq vazifalar yuklatildi.

Ushbu yo‘nalishdagi ishlar bosqichma-bosqich davom ettiriladi. Xususan, yashil hududlar maydonini kengaytirish, ko‘chatlarning sifatli parvarishini yo‘lga qo‘yish hamda fuqarolar o‘rtasida ekologik madaniyatni yuksaltirishga doir tashkiliy va amaliy choralar belgilab olindi.