Fuqarolik ishlari bo'yicha So'x tumani sudi raisi Sh.Abdullayev tomonidan So'x mahalla fuqarolar yig'ini idorasida sayyor qabul o'tkazildi.

Qabulda jami 7 nafar fuqaro ishtirok etdi va ular tomonidan turli masalalar yuzasidan 4 ta murojaat bildirildi. Murojaatlar asosan quyidagi yo'nalishlarga taalluqli bo'ldi:
2 ta murojaat — aliment undirish masalalari bo'yicha;

1 ta murojaat — uy-joyga kiritib qo'yish tartibi;

1 ta murojaat — nikohdan ajratish yuzasidan.

Mazkur murojaatlarning 2 tasi joyida qanoatlantirildi, qolgan 2 tasiga huquqiy tushuntirishlar berildi.

Sayyor qabul davomida fuqarolar o'zlarini qiziqtirgan masalalar yuzasidan to'g'ridan-to'g'ri sud organi vakillariga murojaat qilish imkoniga ega bo'lishdi. Bu esa muammolarni to'g'ridan-to'g'ri o'rganish va hal etishda muhim ahamiyat kasb etdi.

Sud tizimidagi ochiqlik va fuqarolar bilan muloqotni yanada mustahkamlash maqsadida bunday sayyor qabullar muntazam ravishda tashkil etib boriladi.

So'x tumani hokimligi Axborot xizmati