Halqimizda hashar deb nomlangan ajoyib an'ana bor. Bu odat yillar o'tsaki, o'z ahamiyatini yo'qotmagan. Boisi hasharda xalqimizning birligi, ahilligi namoyon bo'ladi.

G'aznov mahalla fuqarolar yig'inida “Obod va fayzli mahalla-yurt ko'rki" shiori ostida ertalabdan Sulton Mahmud ziyoratgohi va ushbu hududda joylashgan qabristonda hashar tashkil etildi. Mahalla raisi Mirzohakim Abbosovning so'zlariga ko'ra, bunda mahalla ahli va nuroniylar fa'ol qatnashdilar.

- Hasharda qatnashgan mahalla ahliga homiylarimiz tomonidan issiq ovqat, milliy taomimiz palov pishirib berildi va keksa nuroniylarimiz bir piyola choy ustida suhbat qilishdi. Bunday obodonchilik amallari mahalla hududida muntazam davom ettiriladi, - deydi mahalla raisi.

So'x tumani hokimligi Axborot xizmati