PISTACHILIK SO’X TUMANINING ENG ASOSIY DRAYVERIGA AYLANADI
2025-02-04 17:33:13 47
Pistachilik So’x tumanining eng asosiy drayveriga aylanadi
Aytish lozimki, So’x tumanining iqlim sharoiti va ob-havosi qishloq xo’jaligining barcha mahsulotlarini yetishtirishiga muvofiq hisoblanadi. Bugun tuman aholisi ekin yer maydonlarining har bir qarichidan unumli foydalanishga harakat qilishayotir.
Tuman hokimi Sayidbahrom Sayidmusayev va tuman prokurori Sadirali Mirzokarimovlar tashabbusi bilan bugun tumanda pistachilikni rivojlantirish uchun ilk qadamlar qo’yilmoqda. Mahallalarda pistachilik ko’chalarini tashkil etishga doir targ’ibot va tashviqot ishlari olib borilmoqda.
Bugun tumanimizning 2-sektoridagi Hazrati Ali va 3-sektori hududidagi Qaqir mahalla fuqarolar yig’inida aynan ushbu masalaga bag’ishlab tuman prokurori Sadirali Mirzokarimov, tuman ichki ishlar bo’limi boshlig’i Qosimjon Rahimberdiyev ishtirokida hudud aholisi bilan uchrashuv tashkil etildi.
Har ikki mahalla fuqarolari faol qatnashgan mazkur tadbirda pistachilik istiqboli haqida ma'lumot berilib, Qaqir mahallasidan 55 nafar va Hazrati Ali mahallasidan 41 nafar fuqaroga yetishtirish uchun 100 to’pdan pista urug’i taqdim etildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
