1. Bosh sahifa
2. Yangiliklar

TIBBIYOT XODIMLARI KUNI MUNOSABATI BILAN TANTANALI BAYRAM TADBIRI BO’LIB O’TDI

×

Tibbiyot xodimlari kuni munosabati bilan tantanali bayram tadbiri bo’lib o’tdi

Tumanimizning Istiqlol mahalla fuqarolar yig’inidagi “Shohjahon” dam olish maskanida tibbiyot xodimlari kuni munosabati bilan tantanali bayram tadbiri bo’lib o’tdi. Unda tuman hokimi Sayidbahrom Sayidmusayev, tuman sektorlari rahbarlari, tumanimizning barcha hududlaridan tibbiyot xodimlari, sog’liqni saqlash sohasi rahbar va mas'ul xodimlari, faxriylar ishtirok etdilar.

Inson salomatligini asrashdek ezgu va savobli ishga o’zini bag’ishlagan tumanimiz tibbiyot xodimlarini bayram bilan qutlash uchun so’z olgan tuman hokimi, tibbiyot sohasi va shifokorlarning hayotimizdagi o’rni va ahamiyati naqadar muhim ekanligiga alohida e'tibor qaratdi.

Respublikamizda so’nggi yillarda bu sohaning jadal rivojlanib borayotgani, eng chekka hududlarda ham sohaga berilayotgan e'tibor tufayli tibbiy xizmat ko’rsatish darajasi yuqorilab borayotgani, buning barobarida tibbiyot xodimlari mehnatini munosib rag’batlantirish orqali shifokorlarning kasbiy va malakaviy mahorati yuksalayotgani ham ta'kidlandi.

Bu yili so’xlik tibbiyot xodimlari davlatimizning yuksak mukofotlariga sazovor bo’lganliklari ham berilayotgan e'tibor natijasi ekanligi ta'kidlandi. Lenbur oilaviy shifokorlik punkti hamshirasi Homidjonova Rano Jiyanovna «Sog’lom turmush» medali bilan taqdirlangan bo’lsa, tuman ko’p tarmoqli markaziy poliklinika tibbiy brigada doyasi Nigina Hamroboyeva “Eng yaxshi ayollar maslahat xonasi doyasi” nominatsiyasig’olibi bo’ldi.

Tadbir davomida soha faxriylari va faollari tashakkurnomalar va qimmatbaho sovg’alar bilan taqdirlanishdi. Bayram shukuhiga tuman madaniyat markazi san'atkorlarining chiqishlari o’zgacha shukuh baxsh etdi.

So’x tumani hokimligi Axborot xizmati

+

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram