1. Bosh sahifa
2. Yangiliklar

SIZGA TA'ZIM - USTOZ-MUALLIM!

×

Sizga ta'zim - ustoz-muallim!

So’x tumani Sarikanda mahallasidagi “Sohil” tantanalar saroyida 1 oktyabr – ustozlar va murabbiylar kuniga bag’ishlab tantanali tadbir bo’lib o’tdi. Tadbirda soha vakillari, faxriy o’qituvchi va murabbiylar, sohaning yosh vakillari ishtirok etishdi.

So’x tumani hokimligi hamkorligida tashkil etilgan tadbirda mehnat faxriylari, tuman maktabgacha va maktab ta'limi bo’limi tasarrufidagi umumta'lim maktablari faol o’qituvchilari, maktab direktorlari va maktabgacha ta'lim bo’limi mutasaddilari ham qatnashdi.

Tadbirda so’z olgan tuman hokimi o’rinsbosari Ilhomjon Abdumajidov va barcha tuman sektorlari rahbarlari Respublikamizda davlatimiz rahbari rahnamoligida xalq ta'limi sohasiga berilayotgan e'tibor, maktabgacha ta'lim sohasida amalga oshirilayotgan islohotlar samarasi bugun o’z natijalarini berayotgani bilan ham ahamiyatli ekanini ta'kidladilar.

Tadbir davomida bir guruh mehnat faxriylari, MMTB faol vakillariga tuman hokimligi va tashkilotchilarning esdalik va qimmatbaho sovg’alari, viloyat xalq ta'limi boshqarmasi, tuman hokimligi faxriy yorliqlari va qimmatbaho mukofotlari topshirildi.

Bayram tadbiri yosh san'at g’unchalari va Qo’qon shahridan kelgan san'at ustalarining kompozitsion chiqishlari bilan davom etdi. Sahna uzra namoyish etilgan mahorat namunalari tadbir ishtirokchilarida katta taassurot qoldirdi.

So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram