SO’X TUMANIDAGI MAKTABLARDA “BILIMLAR KUNI” KENG NISHONLANDI

<<	SENTYABR 2024					>>
DU	SE	CH	PA	JU	SH	YA
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Hozir saytda 13 nafar foydalanuvchi Ishonch telefoni statistikasi

SO’X TUMANIDAGI MAKTABLARDA “BILIMLAR KUNI” KENG NISHONLANDI

2024-09-04 17:01:37 169

PDF yuklash

Chop etish

So’x tumanidagi maktablarda “Bilimlar kuni” keng nishonlandi

Bugun So’x tumanida “Bir bo’lsak –yagona xalqmiz, birlashsak – Vatanmiz! ” shiori ostida yangi o’quv yili munosabati bilan barcha o’quv dargohlarda tantanali tadbirlar bo’lib o’tdi. Tadbirlarda tuman hokimi, hokim o’rinbosarlari, sektor rahbarlari va biriktirilgan vakillar ishtirok etdilar.

1-sektor hududidagi 21-sonli umumiy o’rta ta'lim maktabida qatnashgan tuman hokimi Sayidbahrom Sayidmusayev barcha maktab pedagogik jamoasi va o’quvchilarni “Bilimlar kuni” bilan samimiy tabrikladi. Bu yil 1-sinfga kelgan barcha o’quvchilarga Prezident sovg’alari taqdim etildi.

Mazkur ta'lim dargohida ayni kunda mukammal ta'mirlash ishlari oxiriga yetkazilmoqda. Shuningdek, maktabga qurilayotgan qo’shimcha bino ham mahalla bolalariga haqiqiy bayram sovg’asi bo’ladi.

1 hamda 2-sonli umumiy o’rta ta'lim maktablarida ham “Birinchi qo’ng’iroq” tadbiri ko’tarinkilik bilan tashkil etildi. Tadbirda ishtirok etgan tuman hokimi o’rinbosarlari Ilhomjon Abdumajidov, Sodiqjon Murzoyev ham barcha talaba yoshlarni bayram bilan tabriklab, faxriy o’qituvchilar bilan yuqori sinf o’quvchilariga “Mustaqillik darsi” o’tib berdilar.

Joriy o’quv yilida So’x tumanida maktab ostonasiga ilk bor 1 593 nafar jajji o’g’il-qizlar qadam qo’ymoqda.

So’x tumani hokimligi Axborot xizmati