SOYBOZOR MAVZESIDA YANGI MEHMONXONA QURILIB, FOYDALANISHGA TOPSHIRILDI
2024-08-30 16:34:06 325
Soybozor mavzesida yangi mehmonxona qurilib, foydalanishga topshirildi
Soybozor mavzesi o’zining ko’rku chiroyi bilan ajralib turadi. Ushbu mavzega bugundan yana bir bino o’zgacha chiroy baxsh eta boshladi.
Soybozor mavzesida joylashgan “Sohil” tantanalar majmuasi yoniga yana bir yangi bino – zamonaviy mehmonxona qurilib, ushbu inshoot bugun foydalanishga topshirildi. Taqdimot marosimida tuman hokimi Sayidbahrom Sayidmusayev, tuman sektorlari rahbarlari, nuroniy otaxon va oqsoqollar, yoshlar ishtirok etdilar va mazkur tadbirda nutq so’zlagan tuman hokimi Prezidentimiz e'tibori doirasida So’x kundan kunga chiroy ochib borayotganinin alohida ta'kidladi.
Mazkur yangi mehmonxona “Obishir biznes servis” MChJ rahbari Nazirjon Tohirov tashabbusi va sa'y-harakati tufayli bunyod etildi. 1 sotix yer maydonida qad rostlagan mazkur yangi binoda 8 ta xona mavjud bo’lib, bir sutkada 18 nafar mijozlarga xizmat ko’rsatadi.
Tadbir ishtirokchilari yaxshi orzu-istaklar bilan binoning ramziy lentasini qirqib, unda yaratilgan sharoitlar bilan tanishdilar. Tadbirkorning ma'lumotiga ko’ra, mehmonxonaning birinchi qavati – podvalida tibbiyot klinikasi tashkil etiladi.
Tadbir ishtirokchilariga ushbu unutilmas sana sharofati bilan bayram dasturxoni yozildi. Yangi mehmonxona qurilishiga 2 milliard so’m mablag’ yo’naltirilgan.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
