1. Bosh sahifa
2. Yangiliklar

TADBIRKORLARNING ASOSIY MAQSADI VA INTILISHI “TEPAGA O’SISH”GA QARATILGAN

×

Tadbirkorlarning asosiy maqsadi va intilishi “tepaga o’sish”ga qaratilgan

Navobod mahallasida bugun tadbirkorlik rivojlanmoqda va tadbirkorlar har jabhada ham berilgan imkoniyatlardan samarali foydalanish maqsadida ish olib borishayotir. Aniq loyiha va mikroloyiha ustida faoliyat olib borayotgan tadbirkorlar ham har doim mahalla mutasaddilari, ayniqsa, hokim yordamchisi bilan yelkamayelka bo’lib, ishlamoqda.

Navobod mahalla fuqarolar yig’ini hokim yordamchisi Ma'murjon Bobomirhisenovning so’zlariga ko’ra, ayni kunda mahallada tadbirkorlar Buxoroning G’ijduvon tuman tajribasi asosida ish olib borishayotir. Bunday tadbirkorlar bugun berilayotgan e'tibor doirasida ko’p qavatli inshootlar qurishga bel bog’lashgan.

Tuman tibbiyot birlashmasi hududida “Mulki Azizbek Shodi” qurilish korxonasi tomonidan ikki qavatli fizioterapiya markazi qad rostlamoqda. Tuman hokimi tadbirkorlar bilan suhbatlashdi va 100 million so’mlik kredit olib berishda amaliy ko’mak ko’rsatiladigan bo’ldi. Tadbirkor tashabbusi bilan yana 5 ta yangi ish o’rni yaratiladi.

So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram